Kirkju- og menningarmiðstöðin Fjarðabyggð

Ljósmyndasafn Eskifjarðar og Kirkju-og menningarmiðstöðin sýndu myndir Vilbergs Guðnasonar ljósmyndara árið 2009.  Sýningin skiptist í tvennt. Annars vegar eru mikill fjöldi margvíslegra mynda fengnar að láni hjá fjölmörgum sem eiga verk eftir Vilberg en einnig eru myndir sem unnar eru beint af filmum frá Vilbergi og eru sérstaklega prentaðar og uppsettar í tilefni sýningarinnar.Þær myndir verða til sölu að sýningu lokinni.
Vilberg Guðnason, atvinnuljósmyndari, vann að ljósmyndun frá því um 1940 og til ársins 2000. Hann er Eskfirðingur og hefur unnið að iðn sinni í heimabænum allan sinn tíma, ef frá eru taldar þær stundir sem hann dvaldist í Reykjavík við nám. Þessi sýning er mjög áhugaverð því hér fléttast saman menningarverðmæti, sagan, heimildir og nánast horfin myndtækni s.s. málun og redúsering.